Pas një periudhe të gjatë larg ekranit, Xhemi Shehu u kthye në “Portokalli”, në atë që e ka cilësuar si shtëpinë e saj të dytë. Gjatë kësaj periudhe Xhemin e kemi parë vazhdimisht aktive në rrjete sociale, sidomos në Instagram, ku dje si për çudi ka ndarë edhe dy foto të djemve të saj: Gabriel dhe Martin, të cilët i janë gëzuar rrezeve të ngrohta të këtij fillim tetori.
Ndryshe nga shumë figura të tjera, Xhemi nuk ngurron të pranojë se djemtë nuk i ekspozon për shkak se është supersticioze. Duket folur rreth faktit se i mban të vegjlit e saj larg medieve sociale, Xhemi u shpreh: “Jo më larg se dje i nxora dhe nuk e di se çfarë pata. Nuk i kam postuar shumë. Kur ishin më të vegjël kam nxjerrë ndonjë foto me mendimin se rriten e do ndryshojnë, të paktën nuk do njihen e do mbahen mend.
Më semureshin sa herë i nxjerrja në rrjetet sociale, nuk më hanin bukë, iu hipte temperatura. Dhe besoj shumë te kjo energjia. Qoftë për mirë, qoftë për keq ndikojnë tek ta dhe i kam hequr”.
Më tej ajo tha se nuk i kupton rrjetet sociale dhe ka një raport të keq me postimet. “Më duket absurde, shumë kot. Nxjerr një foto të bukur, vijojnë komentet, e morëm vesh. Po pastaj? Të postoj se çfarë ha nuk më duket tërheqëse. Nuk më pëlqen. E kam mbyllur Instagramin tre herë, kjo është hera e katërt që e kam hapur. Dhe e mbaj vetëm për punë”.-përfundoi Xhemi.