Mësuesja dhe njëkohësisht drejtoresha e shkollës 9-vjeçare “Ali Demi”, Dorina Kuka, ka ndërruar jetë pas një bêteje të gjatë më sëmundjen e rëndë.
Prej kohësh ajo ishte diagnostikuar me kαncer në gjoks, që së fundmi ishte shëruar, por masa e tumorit ishte shfaqur në kokë. Më herët Kuka ishte nisur drejt Italisë ku kreu një ndërhyrje të vështirë. 35 vjeçarja, e cila gjithashtu ishte anëtare e Këshillit bashkiak të Tiranës, la pas dy fëmijë.
Në një postim në rrjetet sociale, Kuka falenderonte të gjithë ata persona të cilët e ndihmuan në mënyra të ndryshme në ditët më të vështira për të, ndërsa theksonte se dy fëmijët ishin ata që i jepnin forcë për të mposhtur sëmundjen.
Për Dorinën kanë shprehur ngushëllimet edhe emra të njohur të politikës si kryeparlamentarja Lindita Nikolla apo kryetari i bashkisë Erjon Veliaj.
Përmes një postimi në “Facebook”, Nikolla i ka shprehur ngushëllime familjarëve të saj, teksa ka theksuar se Dorina ishte një mikë e rallë dhe do u mungojë të gjithëve.
“Pas një beteje të gjatë me sëmundjen, mësuesja dhe drejtoresha e palodhur dhe model, anëtarja e këshillit të Bashkisë Tiranë, Dorina Kuka, u nda nga jeta.
Një nënë, mësuese, drejtuese dhe qytetare e angazhuar, jetësimi i gruas bashkëkohore shqiptare.
Dorina ishte një mike e respektuar dhe e rrallë.
Ngushëllime familjarëve dhe dy djemve!
Do të më mungosh, Dorina e dashur!
Do të na mungosh të gjithëve!
Pushofsh në paqe!”, shkruan Nikolla.