Bashkinë e Elbasanit e ka vizituar një delegacion nga Norvegjia të cilët janë pritur nga kryetari i Bashkisë z. Gledian Llatja. Delegacioni i cili kryesohej nga nënkryetari i Bashkisë së Kristiansand në Norvegji z. Erik Rostoft, është njohur nga kryetari rreth resurseve që ofron Bashkia e Elbasanit, e cila është një ndër tre qytetet më të mëdha të vendit,me histori në fushën e trashëgimisë kulturore etj.
Delegacioni ka mirëpritur bashkëpunimin mes dy vendeve në të ardhmen, kryesisht për projektin e ndryshimeve klimaterike, ndërsa kryebashkiaku Llatja u shpreh se ” ishte kënaqësi të prisja në Elbasan nënkryetarin z. Erik Rostoft, z. Keneth Mork, Kryetarin e Partisë së Djathtë Znj. Renate Haegeland, të po këtij qyteti dhe miq nga Lobi Shqiptar Euroatlantik në Norvegji.
Marrëdhënia e mirë mes dy qyteteve tona do të shtrihet në një tjetër nivel tashmë që dhe vëmendja jonë është në projektet e përbashkëta të ndryshimeve klimaterike, shtimit të hapësirave të gjelbërta, shërbimet e kujdesit social dhe vullnetarizmit”, tha z. Llatja.
