Month: September 2022

Duket se enti Rregullator i energjisë në vend nuk do ta heqë fashën e çmimit të energjisë për ata që shpenzojnë mbi 800 kilovat në muaj. Një gjë e tillë është bërë me dije nga ky institucion i cili pohon se janë publikuar tashmë çmimet e reja pas mbledhjes së ERE për familjarët që shpenzojnë më shumë se sa 800 kilovat.

Aty thuhet se çmimi i energjisë elektrike do të rishikohet do të kryhet në përputhje me ndryshimet e kostove të sigurimit të energjisë elektrike.Për të gjithë konsumatorët familjare që furnizohen nga shërbimi universal.

ERE ka publikuar tashmë çmimet e përditësuara për konsumin e energjisë elektrike nga konsumatorët familjarë, që konsumojnë mbi 800 kWh. Aktualisht këto çmime janë të aplikueshme për periudhën 1 tetor deri më 31 dhjetor 2022. Me VKM nr. 584, datë 08.10.2021, Qeveria ka shpallur gjendjen e emergjencës së furnizimit me energji elektrike.

Në situatën aktuale të luhatshmerisë së lartë të burimeve të furnizimit me energji elektrike, nga prodhimi vendas, vendimmarrja e Entit Rregullator të Energjisë mbi ndryshimin e çmimit të shitjes së energjisë elektrike, është objekt rishikimi periodik. Ky rishikim do të kryhet në përputhje me ndryshimet e kostove të sigurimit të energjisë elektrike. ERE ka detyrimin të reflektojë çmimet e energjisë së konsumatorëve fundorë, kostot e furnizimit sipas burimit të siguruar të energjisë.” – njofton ERE.

Rama e lajmëroi sot përmes Facebook vendimin se nuk do të aplikohet ashtu sikurse ishte lajmëruar për datën 1 tetor 2022.

Forcat RENEA kanë zbarkuar mbrëmjen e sotme në Elbasan duke kryer kontrolle të imtësishme në qytet. RENEA kanë nisur një aksion për kapjen e personave të shpallur në kërkim në të kuadër të operacionit “Plumbi i Artë”.

Nuk dihen ende detaje të tjera nga operacioni dhe nëse apo jo persona të aŗrestuar ose të ndaluar nga kontrollet.

“Plumbi i artë” u finalizua pak muaj më parë pas dëshmisë së të penduarit të drejtësisë Nuredin Dumani. Nga 32 urdhër aŗreste policia vuri në pranga vetëm 9 prej tyre ndërkohë që 9 të tjerë ndodheshin pas hekurave për vepra të tjera penale.

Për 14 personat që i shpëtuan aksionit të bujshëm, policia ka kryer disa kontrolle përgjatë muajve të fundit por pa sukses.

Akademia e Futbollit Elbasani nis këtë të dielë rrugëtimin e saj në Kategorinë e Dytë, me petkun e një skuadre pretendente që do të synojë ngjitjen një kategori më lart. Verdheblutë do të presin në shtëpi skuadrën e Luftëtarit, me synimin për ta nisur mbarë ediconin dhe marrë tri pikët. Marrin fund edhe dilemat sa i përket stadiumit ku do të luhet kjo ndeshje dhe është vendosur që të dielën në orën 14, elbasanasit të presin kundërshtarin në “Elbasan Arena”.

Në një situatë të tillë, ka nisur edhe organizimi nga ana e tifozerisë për të ndjekur skuadrën nga shkallët e stadiumit dhe dhënë mbështetjen e tyre për të vetmen skuadër të qytetit aktualisht, e cila u krijua vetëm një vit më parë dhe vjen në të këtë kategori me petkun e skuadrës kampione në të Tretën. Pritet një interesim i madh nga ana e sportëdashësve për këtë përballje, edhe për faktin se klubi ka vendosur çmime simbolike për ta parë takimin në stadium, me biletat që variojnë nga 100 deri në 300 lekë të reja në tribunë.

Verdheblutë kanë bërë shumë investime këtë merkato vere, ku kanë afruar lojtarë cilësorë, të cilët pritet t’i japin një ndihmë sa i përket realizimit të objektivave. I fundit që i është bashkuar skuadrës është ish mesfushori i Flamurtarit Alked Çelhaka, si edhe futbollistët Arsen Lleshi me Albi Gjolenën. Sakaq, mbështetja nga ana e bashkisë së qytetit dhe kryebashakikut Gledian Llatja nuk do t’i mungojë, duke u krijuar të gjitha kushtet për të bërë një kampionat dinjitoz.

Jeta nuk pushon asnjeherë së na surprizuari.

A i keni parë reklamat e transmetuara gjatë periudhës së Krishtlindjeve të kësaj gruaje që solli në jetë fëmijën e saj në një supermarket të famshëm italian?

Të gjithë ne buzëqeshëm duke menduar se ishte një gjetje televizive, … por kjo është realisht ajo çfarë i ka ndodhur Ashleigh Miller Cross. Kjo histori, për fat të mirë ka pasur një fund të lumtur, por askush nuk do ta harrojë kurrë. Ashleigh Miller Cross, e la vajzën e saj vetëm dhjetë muajshe në shtëpi me bashkëshortin e saj dhe shkoi në supermarket si zakonisht kur filloi të ndjehej çuditshëm. Ajo filloi të kishte marrje mendsh, pastaj ajo filloi të ketë si dhimbje barku.

Gruaja vendosi të shkojë në banjo për të freskuar fytyrën tuaj, kur filloi papritur d himbja e fortë që e detyroi atë të shtrihej. Menaxheri i supermarketit, Malcolm Comeau, kishte lënë zyrën e tij për të shkuar për drekë, kur dëgjoi zhurmat që vinin nga banjo e grave. Pa menduar dy herë, ai hapi derën. Ai gjeti gruan që po lëvizte në tokë në d himbje, dhe ishte i tme rruar, sepse ai nuk mund të kuptonte se çfarë po ndodhte. Njeriu i befa suar, e kuptoi se gruaja ishte duke lindur dhe menjëherë kërkoi ndihmë. Për fat të mirë, ambulance erdhi menjëherë. Në fakt, pas disa minutash, gruaja lindi një fëmijë të bukur dhe të shëndetshëm.

Burri, i cili ishte duke pritur në shtëpi pazarin e gruas së tij, në vend të kësaj mori një telefonatë që e lajmëroi atë se gruaja e tij kishte lindur një djalë dhe që të dy ishin në spital. Ashleigh dhe burri i saj kanë thënë kështu për historinë e tyre: “Dhjetë muaj më parë lindi vajza jonë e parë. Pas shtatzënisë së parë, unë nuk mund të humbja peshë, por ia lija faktit se haja më shumë, vetëm për shkak se vajzën e ushqeja me gji. Të gjithë njerëzit që njohim na kanë thënë se gjatë gjithë ushqyerjes me gji nuk mund të mbetem shtatzënë përsëri. Nuk kam vu ajtur nga ndonjë gjë, as neps nuk kisha dhe as të përziera siç kishte ndodhur me fëmijën e parë. Lod hjen që kam ndjerë ia lija faktit se unë kam qenë gjithmonë në lëvizje dhe kam pasur pak kohë për të pushuar. Tani ne jemi të lumtur, edhe për shkak se çdo gjë shkoi mirë.”

Të gjithë punonjësit ishin të bef asuar, sepse një situatë e ngjashme nuk kishte ndodhur kurrë. Madje dhe menaxheri pranoi se në tridhjetë vjet të karrierës një gjë e tillë kurrë nuk i kishte ndodhur atij. Së bashku ata vendosën se fëmija do të jetë përgjithmonë “mik nderi” në dyqan, ku mund të merrte ushqime dhe pelena falas.